WinMerge бол програм зохиогчдод онцгой хэрэгцээтэй програм юм. Код ихсэх тусмаа л хүндрэлтэй болж эхэлдэг. Туршлагатай кодчид бол өмнөх кодондоо засвар оруулахын өмнө заавал нөөц үлдээдэг билээ. Оруулсан засвар буруудлаа гэхэд хаана засвар оруулснаа мэдэхэд хүндрэлтэй болно. Ингээд л өмнөх нөөцтэйгөө харьцуулах шаардлага гарна даа. WinMerge нь хоёр файл эсвэл хавтсыг харьцуулах гайхалтай үйлчилгээтэй програм. Ялгааг нь танд маш сайхан тод томруунаар харуулах болно. Та ядах юмгүй ялгааг нь олох эсвэл хооронд нь ижилсүүлж болох юм.
