Apple-ын шинэчлэл iOS 8, Yosemite…

Харин энэ удаад ямар нэг төхөөрөмж зарласангүй. Уламжлал ёсоор ирэх намар шинэ төхөөрөмжүүдээ танилцуулах бололтой.

Зарлагдсан зүйлс гэвэл:

• iOS-ын шинэ хувилбар iOS 8
• Mac OS X-ын шинэ хувилбар 10.10 Yosemite
• iPhone-д зориулсан HealthKit апп, эрүүл мэнд, фитнессын төхөөрөмжүүдийг холбож, утаснаасаа өөрийгөө хянах боломж
• iCloud Drive, энэ нь яг Dropbox-той адилхан файлуудаа хадгалах үйлчилгээ
• iPhone-oo Mac компьютертэйгээ холбосноор, Mac дээрээсээ утасны дуудлага хийх, хариулах боломж
• iMessage-ын шинэ боломж, видео болон аудио илгээх
• HomeKit нэртэй гэрийн автоматжуулалтын систем
• Swift, апп хөгжүүлэх илүү амар багаж хэрэгсэл
• Metal, iPhone/iPad-д зориулан 3D тоглоом хийх багаж хэрэгсэл

iOS 8

iOS 8

Хөгжүүлэгчдэд зориулсан туршилтын хувилбарыг (beta) яг одооноос татаж авах боломжтой. Харин нийтэд албан ёсоор ирэх намар гарах юм. Нэгэнтээ 7 дахь хувилбар дээрээ дизайны том шинэчлэлт хийсэн тул энэ удаа дизайны хувьд өөрчлөлт ороогүй байна. Харин программын нэлээд олон боломж шинээр нэмэгджээ.

Үүнд:

• Хөгжүүлэгчдэд өөрийн Widget хийж Notification center-т оруулах боломж олгожээ. Өөрөөр хэлбэл ямар нэг real time update хийгддэг жижигхэн программ Notification Center-т байрлана гэсэн үг.
• HealthKit фитнесс, эрүүл мэндийн апп нь маш олон Apple-аас өөр төрлийн төхөөрөмжүүдтэй холбогдож, биеийн үзүүлэлтүүдийг цуглуулж, нэг цэгээс хянах боломж өгнө.
• iPhone, iPad дээр Mail app дотроо майлыг уншсан, уншаагүй зэргээр тэмдэглэхдээ хуруугаа ганц л хөдөлгөхөд (gesture) болно.
• Хамгийн олон давтамжтай хэрэглэдэг контактууд руугаа Home товчоо давхар дараад орно.
• Нээлттэй байгаа Mail-ээ минимайз хийгээд Inbox дахь бусад мэйлээ харж болно.
• Шинэ Handoff функц нь iOS, OS X хооронд үзэж байгаа вебээ яг байгаагаар нь дамжуулж хэрэглэх боломж олгоно. Дэсктопоосоо утас руугаа эсвэл эсрэгээрээ гэсэн үг.
• iCloud Drive-ыг ашигласнаар таны бүх Apple төхөөрөмж дундаа shared драйвертай болно.
• Spotlight Search нь урьд нь зөвхөн төхөөрөмж дотроо хайлт хийдэг байсан бол одоо Appstore, Wikipedia зэрэг олон эх сурвалжаас үр дүнг харуулдаг болжээ.
• Фото зураг засварлахад илүү хялбар болжээ. Үзэж байгаа зургийнхаа гэрэл, тодрол, хурц, өнгө зэргийг шууд засаж болно. Мөн зурагнуудаа хаана авсан, хэзээ авсан зэргээр хайх өргөн боломжтой болжээ.
• Мессэжийн хувьд зарим нэг залхаасан групп төрлийн чатаас “Do not disturb” хийх буюу блоклох боломж нээгджээ. Мөн шинэ микрофоны товчыг дарж яриагаа бичээд текст болгон илгээж болно.
• Siri дуу хоолойгоор удирдах системд Shazam хөгжим таних функц нэмэгдсэн тул ямар нэг дууг утсандаа сонсгоход тэр дууны тухай бүх мэдээлэл гарч ирж бүр iTunes-ээс линкийг нь олж өгнө.
• Family Share боломж нь гэр бүлийнхээ хүрээнд зураг, календар, ремайндэр зэргээ хуваалцдаг болгоно. Мөн нэг аккаунтаар өөр өөр төхөөрөмж дээр апп, контент зэргийг татаж хэрэглэх боломжтой.
• Хөгжүүлэгчид өөрсдийн шинэ keyboard драйверыг нэвтрүүлэх боломжтой болсон. Мөн Touch ID, хурууны хээ таних системыг ч ашиглан апп хөгжүүлэх боломж нээгджээ.

Mac OS X 10.10 – Yosemite

Mac OS X Yosemite

Энэ шинэ хувилбарын хувьд товчхондоо

• Яг iOS 7 шиг дизайн, интерфэйстэй болсон
• Төхөөрөмж хооронд нэгдэж ажиллах буюу персонал компьютерыг гар утас, таблеттайгаа уялдуулж ажиллуулах өргөн боломжоор хангагдсан
• Өөр олон шинэ боломж нэмэгджээ.

Ямар ч байсан Apple элдэв шинэ төхөөрөмжтэй холбох программ хангамжаа бэлэн болгожээ. Харин ирэх намар тэдгээр шинэ төхөөрөмжүүд нь танилцуулагдах нь тодорхой боллоо.

iOS 8, Mac OS X 10.10 Yosemite суух боломжтой төхөөрөмжүүд:

iOS 8:

• iPhone 4S
• iPhone 5
• iPhone 5C
• iPhone 5S
• iPod Touch 5th generation
• iPad 2
• iPad with Retina Display
• iPad Air
• iPad Mini
• iPad Mini with Retina Display

OS X 10.10 Yosemite:

• iMac (2007 оны дундаас хойш)
• MacBook Air (2008 оны сүүлийн хувилбараас хойш)
• MacBook (2008 оны сүүлийн хөнгөн цагаан загвар, 2009 оны эхэн үеийнхээс хойш)
• Mac Mini (2009 оноос хойш)
• MacBook Pro (2007 оны дундаас хойш)
• Mac Pro (2008 оноос хойш)
• Xserve (2009 оноос хойш)